شعر محكي بعنوان سجال / للشاعرة ملك الأصفر مشارك بالمجلة
سجال ............................. من يومين ما اسمعت صوتك لاتزيدي بقلبي العذاب حرام عليكي تلوعيني وماتحسبي أي حساب أنا والله بصدق حبيتك شوفي قلبي بحبك داب لاتكوني عليي بخيلة سهم عيونك قلبي صاب ياطير سلملي على بلادي وسلم على المية والنبعة والوادي وامرق على الكرمة بوسط حقلتنا وجبلي من عناقيدا الحلوة زوادة اسكبي يا دموع العين على خدي سكايب على الأحبا الهاجروا والأرايب راحوا اتشردوا وضاعوا بهالدني وتلوعوا وشافوا الأسى والعجايب شوبدك بعيدك قدملك هدية طلبي والغالي يرخصلك ياصبية لو طلبتي النجمات من العالي بقطفها وبزين فيها ضفايرك البنية لمحت القمر سهران بهالسما داير بإيدو عقد ألماس وأحلى الأساور سألتو ياقمر لمين هالحلا كلو جاوب وقلي للكسوة أم الضفاير بحبك يا سوريا أميرة مابين الناس وراياتك عم تخفق مرفوعة فوق الراس شعبك أصيل وكلو من معدن دهب وجبينك العالي مكلل بتاج الماس عم إحلم بيوم تشرق شمس المحبة وكل الطوائف تجتمع جمعة ألفة ويروح الحقد ويبعد عنا لبعيد والكل عم يضحك والشفايف مبتسمة ياطيور غردي بالسما ياطيور وخلي الدني تشعشع وتضحك نور الليلة عنا فتح زهر المحبة وعطر سمانا ورد الف